LAOAG CITY – Inlawlawag ni Mr. Faivo Bartolome, Sports Consultant iti gobierno probinsyal no apay nga aggaadayo ti playing venue para iti Palarong Pambansa 2025.
Kuna na a tunggal venue ket adda ti masarakan a tourist spot.
Innayon na a daytoy ti istratehiya ti gobierno probinsyal tapno maiyam-ammo kadagiti delegado ken dadduma a bisita dagiti agkakapintas a lugar ken buya ditoy Ilocos Norte.
Maipalagip a naiwaras dagiti playing venue para iti Palarong Pambansa 2025, no sadinno a karaman kadagiti pakaiwayatan na ket iti ciudad ti Laoag ken Batac, ili ti San Nicolas, Pasuquin, Bacarra, Vintar, Dingras ken Sarrat.
