LAOAG CITY – Inlawlawag ni Managing Director Zeno Ronald Abenoja iti Department of Economic Research ti Bangko Sentral ng Pilipinas ti panaggaraw ti piso kontra iti dolyar.
Segun ken ni Abenoja, bumaba ti piso kontra iti dolyar nu bilang ad-addo dagiti investors a mapan iti estados unidos gapu iti dakdakkel a sukat ti bukod a currency dagitoy.
Kuna na a ditoy pagilian a Pilipinas ket adda ti floating exchange rate wenno panagngato ken panagbaba ti sukat ti poso kontra iti dolyar.
Inlawlawag na a ti nasao nga exchange ket agdepende pay iti law of supply and demand ditoy pagilian.
Nu pay kasta, ibatad na a saan nga alisto daytoy rason nga awan ti pangta iti ekonomiya.
Immunan nga inlawlawag ni Abenoja a nu adda ti panagbaba ti piso kontra iti dolyar, ngumato ti presyo dagiti magatgatang kangrunaan iti krudo.
Mainaig iti daytoy, inbatad na a dakkel a tulong dagiti reciepts manipod iti nagduduma a sektor kas kadagiti BPO ken remittances tapno mapagtalinaed ti ado a dolyar nga isu ti mangbalanse iti piso.
Kabayatanna, immunan nga inpakaammo ni Abenoja nga awan met pay ti stagflation ditoy pagilian.
Kuna na a daytoy ket ti kombinasyon iti nabayag ken alisto a panagdur-as ti ekonomiya.
Inpakaammo na a ti posible nga epekto daytoy ket ngumato ti unemployment, bumaba ti sapol ken nangato a presyo dagiti magatgatang.
Innayun na nga iti umuna a lima a bulan a tawen ket adda met ti average a 51agingga iti 53 a pisos ti sukat ti piso kontra iti dolyar bsar iti budget assumption.
