LAOAG CITY – Limitado iti panaggatang dagiti overseas Filipino worker ti face mask idiay Hongkong.
Daytoy ti knumpirmaran ni Ms. Josephine Saguitguit Rubio Sibucao, ofw idiay Hongkong.
Kuna na a mapalubusan laeng a gumatang ti maysa a tao ti maysa a box ti face mask tapno makawaras.
Inbatad ni Sibucao a nagawid ti agtagikua ti Philippine Product iti South Horizon tapno makagatang ti supply ti face mask ken alchohol.
Mainaig iti daytoy, inbatad na pay a makarwar laeng iti pagpapayaan na no mapan makitiyenda wenno adda ti pangibaonan da kenkuana.
Innayon na nga adu dagiti agpanic buying ti face mask gapu ti novel corona virus
Iti agdama ket natalged ti sitwasyon da iti nasao a lugar nupay agtultuloy ti porblema ti nasao a virus.
Kuna na nga uray dagiti kakadua na nga OFWs nangnangruna dagiti am-ammo na ket awan pay ti nagsakit kadakuada kangrunaan dagiti maibilang a sintomas ti sakit.
Naiget ti panagkarkararag da tapno saan da a maakaran ti nasao a sakit.
Nabilin da a saan nga agusar kadagiti malabaan a face mask gapu ta saan nga umiso nga usaren da daytoy.
