LAOAG CITY – Inpakaammo ni Mr. Perry Martinez, ti general manager ti Metro Ilocos Norte Council iti gobierno probinsyal a nangrugin ti pannakaibunong ti gas coupon nga agbalor ti 1,500 a pisos kadagiti jeepney drivers.
Daytoy ket kalpasan a naiyuna ti pannakaibunong daytoy kadagiti nagduduma nga asosasyon ti tricyle nga agbalor ti 1,000 a pisos.
Segun ken ni Martinez, dagiti jeepney drivers iti ili ti Marcos ti immuna a nakaawat ti nasao a gas coupon.
Innayun na nga agtultuloy ti pannakaipaay daytoy kadagiti dadduma pay a PUV drivers iti intero a probinsya iti sumarsaruno nga aldaw.
Immunan a nga adda ti panagkiddaw dagiti jeepney drivers ti al-alisto a pannakaipaay ti gas coupon kalpasan nga itay napan a tawen pay laeng a nairubwat ti gas subsidy program ti probinsya.
