LAOAG CITY – Nasuspenso ti panagibunong ti modules kadagiti agad-adal iti maysa a pagadalan ditoy ciudad ti Laoag kalpasan ti panagpositibo ti dwa a mangisursuro.
Segun kenni Mrs. Vilma Eda, Schools Division Superintendent ditoy ciudad ti Laoag a nabalakadanen dagiti agad-adal iti Grade 10-12 ket saan da pay laeng a gargarawen dagiti modules da iti Week 8.
Inlawlawagna a kalpasan a nagpositibo ti maysa a mangisursuro ditoy ciudad ti Laoag ket dagus a naipakaammo kadagiti nagannak a saan pay laeng a makutkuti dagiti naideliver a modules.
Daytoy ket tapno maliklikan ti panagwaras ti COVID-19 agsipod no adda ti virus dagiti nagipack kadagiti modules.
Inbatad na a mabalin ton nga lukatan wenno sungbatan dagiti ubbing dagiti modules da iti maikadwa a lawas ti Disyembre.
Kunana a saan na laeng a masigurado no naibunong dagiti modules kadagiti pagtaengan dagiti ubbing gapu ta naidanondan dagitoy kadagiti LGUs ken Barangay.
Nupay kasta, inbatad na nga agtultuloy pay laeng ti online classes dagiti ubbing kadagitoy a gundaway ken kunana a mabalin nga ileppas dagiti ubbing dagiti saan da a nalpnalpaa a modules bayat a saan pay a naited kadagitoy ti Week 8 a module.
Iti agdama ket nakawork from home dagiti amin a mangisursuro iti maysa a pagadalan ditoy ciudad ti Laoag ken manamnama a dumalan ti swab dagiti dagiti sumagmamano a mangisursuro a nakapulapol dagiti nagpositibo.
Rumrumwar nga aldaw ti Huwebes a naibunong dagiti modules idinto nga iti Biyernes ti panagpositibo ti virus ti mangisursuro.
