LAOAG CITY – Inbatad ni Mr. Zackie Robles, Gun Safety Instructor ditoy probinsya a ti maysa nga indibidual nga agik-ikot iti lisensyado a paltog ket nawaya nga agikot iti saan a nangatngato ngem 50 ammu iti kada registered firearm.
Kuna na a no met sports shooter ket mabalin na ti agikot iti 1k ammu iti kada registered firearm.
Nupay kasta, inbatad ni Robles a ti panagikabit ti silencer iti paltog ket mailabsing ti paglintegan.
Daytoy ti nagbalin a palawag ni Robles kalpasan a natiliw ti negosyante a ni Mr. Robert Saguisi, naasawaan ken residente iti Bgy. 7-B ditoy ciudad ti Laoag gapu kadagiti ik-ikutan na a lisensyado a paltog nga addan pay ti silencer na.
