LAOAG CITY – Inbatad ni Doctor Allan Taylan nga adda ti dakes nga epekto na iti bagi ti dagus a panaginom ti nalamiis a danom no kagapgapu iti kapudutan.
Inaramid daytoy ni Doctor Taylan iti pannakainterview na iti programa ti Bombo Radyo a Good Morning Philippines.
Segun kenkuana, ti dagus a panaginom ti nalamiis no kagapgapu iti kapudutan ket mabalin a makaapektar iti panagpitik ti puso.
Inlawlawag na a no uminom a dagus ti nalamiis no kagapgapu iti kapudutan ket dakkel ti posibilidad na a maapektaran ti maysa nga urat a mang-regulate ti panagpitik ti puso.
