LAOAG CITY – Saan nga irekomendar dagiti eksperto ti panaginom ti kape nga awan ti karga nga aniaman a taraon ti buksit.
Segun iti maysa a registered dietitian and nutritionist a ni Christina Manian, adda dagiti nutrients a maala manipod iti maysa a tasa a kape kas ti energy, protein, fat, calcium, iron, magnesium, zinc, copper, vitamins B, E, K, ken dadduma pay, ngem saan nga umdas daytoy tapno agbalin a “first meal” iti kada aldaw.
Inlawlawag na nga adda dagiti sumagmamano a dakes nga epekto ti panaginom ti kape nga awan ti umuna a maipauneg a taraon, kas iti panagsakit buksit, abdominal cramping ken problema iti panagrugit kas kadagiti addaan ti sensitive gut.
Malaksid iti daytoy, kuna ni Manian a possible a ngumato pay ti stress level gapu ta ti kape ket ag-stimulate ti cortisol wenno stress hormone a mabalin nga agtungpal iti stomach upset wenno sintomas ti acid reflux wenno heartburn.
