LAOAG CITY – Mamati ni Gob. Matthew Marcos Manotoc a saan a narisgo ti panagkalubbon iti motorsiklo nangnangruna ket adda met ti “face mask” ken “helmet” ti driver wenno agmaneho ken ti mailubbon.
Kunana nga iti panagkitana ket saan a kasapulan ti “shield” iti nagbaetan dagiti naglubbon.
Inlawlawagna a basar iti nabasana, ti sshield ti mangdegdeg iti risgo ti panangiturong ti driver ti motorsiklo.
Nupay kasta, inbatadna a masapul nga agtulnog dagiti umili iti pagalagadan nga inyetnag ti gobierno national kangrunaanna iti DILG.
Innayonna a siasinnoman a saan nga agusar ti “shield” iti nagbaetan dagiti naglubbon ket mabalin a mapatawan ti multa ngem iti agdama ket awan pay ti maipataw a multa kadagiti aglabsing iti nasao a pagalagadan ti DILG ditoy probinsia.
