LAOAG CITY – Ibilang ni Atty. Fidel Gines baro a Comelec Officer ti ciudad ti Laoag a saan a napintas ti resulta ti panagawat da kadagiti Statement of Contributions Expenditure (SOCE) dagiti kimmandidato itay kallabes a Sangguniang Kabataan (SK) and Barangay Elections.
Segun ken ni Gines, iti pakadagupan ti 1,920 a kandidato 50 inggana ti 60 a porsiyento ti nakapila ti SOCE na.
Kuna ni Gines a saandanto a babbalawen ti opisina da no ania ti mapasamak kadagitoy gapu ta kadagiti nangabak ket saan da makapagtugaw idinto a dagiti naabak ket posible a saandanton a makapagkandidato pay.
Inpalagip ni Gines nga agpatingga laeng inton Miyerkules ti panagwat da ti agpila ti SOCE na a kandidato itay kallbes nga eleksiyon ken nakalukat da inton bigat uray piyesta opisyal.
