LAOAG CITY – Saanen a required dagiti estudyante kadagiti public schools nga agisuot ti uniporme.
Segun ken ni Vice President Sara Duterte, ti nasao nga addang ket tapno maalay-ayan ti padagsen kadagiti estudyane ken pamilya iti panagngato ti presyo dagiti amin a magat-gatang gubuay ti COVID-19 pandemic.
Kuna ni Duterte a sakbay pay ti pandemiya ket awan ti strikto a requirement kadagiti public schools nga agisuot ti uniporme kas nailanad iti DepEd Order No. 065, s. 2010 tapno maliklikan ti nayun a paggastoan ti pamilya dagiti agad-adal.
Maipalagip a ti panangrugi ti school year 2022–2023 ket intuno Agosto 22.
Inbatad na a ti combined in-person classes ken distance learning ket maiyimplimentar intuno Agosto agingga intuno Oktubre idinto a ti five-day face-to-face classes ket mangrugi intuno Nobiembre.
