LAOAG CITY – Inpakammo ni Chief Petty Officer Marlon Borromeo, ti Commanding Chief ti Coast Guard ditoy Ilocos Norte ti temporaryo a pannakaiparit ti panagkalap iti baybay a batog ti Fort Ilocandia Hotel ken Suba.
Daytoy ket kas paset ti counter measures nga ar-aramiden ti coast guard kas seguridad nga ipaay kadagiti partisipantes iti PBBM Cup.
Segun kenni Borromeo, ti pannakaipawil ti panagkalap ket mangrugi intono bigat, aldaw ti Sabado agingga intono Domingo.
Ti PBBM Cup ket paset pay laeng kadagiti aktibidad iti pannakasangay ni dati a Presidente Ferdinand Edralin Marcos Sr.
Kabayatanna, pinalagipan ni Borromeo ti publiko nangruna dagiti mangalap a suruten daytoy a banag.
