Inpetteng ni Monsignor Fr. Joey Ranjo, pannakangiwat ti Diocese of Laoag a ti kapatgan a wagas tapno maliklikan ti panagpakamatay ket ti panagkamang iti Diyos.
Rakurak daytoy ni Fr. Ranjo kalpasan nga ado dagiti timpuar a damag seknan ti agsasaruno nga insidente ti panagpakamatay.
Mainaig iti daytoy, kuna ni Fr. Ranjo a maysa kadagiti rason nu apay a mapaspasamak ti panagpakamatay ket ti mapaspasaran a pandemiya.
Inbatad na a posible nga agpasar ti depresyon ti maysa a tao gapu iti nakaro a panagpanpanunot wenno agkonsimisyon nangruna ita a panawen ti krisis.
Nu pay kasta, inpagunamgunam ni Fr. Ranjo a ti kasayaatan nga aramiden nu adda iti baet ti panagproblema ket ti panagkamang iti Diyos.
Kuna na pay a saan nga agkedked nga umasideg iti simbaan nu adda ti problema gapu ta nakasagana da nga agdenggeg ken mangited ti tulong.
Innayun na a kasapulan nga antisiparan dagitoy a banag nangruna nu biag ti pagsasaritaan agsipod ta dakkel a basol iti namarsua ti panagpakamatay.
