LAOAG CITY – Naragsak nga inpakaammo ni Atty. Julius Balbas, Election Officer ditoy siudad ti Laoag a nagtalinaed a naannayas ti panagkampania dagiti local candidates para iti 2025 Midterm Elections.
Segun kenkuana, daytoy ket sipod idi nangrugi ti pormal a panagkampania para kadagiti lokal a kandidato ditoy probinsia.
Inbatadna nga awan ti aniaman a naipadpadanon a report kadakuada a nagsalungasing iti ipatpatungpalda a pagannurotan.
Nupay kasta, binalakadan ni Atty. Balbas dagiti kandidato ken supporters dagitoy nga agtanang ken ipakita nga adda ti disiplina iti bagi ken ti panangawat iti agbalin a resulta ti eleksion.
Kabayatanna, mangnamnama ti Election Officer nga agtultuloy ti panangsurot dagiti kandidato kadagiti amin a pagalagadan tapno agtalinaed ti linak, urnos ken talna ditoy probinsia.
