LAOAG CITY – Ibilang ni Mrs. Edna Orcino, Administrator ti Phil. Red Cross Laoag City -Ilocos Norte Chapter nga “unpredictable” ti panagkasapulan ti dara iti opisina da.
Segun ken ni Orcino, agdepende pay ti kondisyon ti panawen kas ita nga agraira ti sakit a dengue.
Kuna na nga iti kada aldaw 10 agingga iti 20 ti bilang dagiti mapan mangaal-ala ti dara iti opisina da.
Nupay kasta kuna na a kasapulan a nakasagana da a kankanayon rason a nganngani kanayon ti “blood letting activity” nga iwaywayat da.
Inlawlawag ni Orcino nga iti agdama ket umabot ti 560 units ti dara iti blood bank da.
Kabayatan na, inbaga ni Orcino a dakkel a makatulong dagiti naestablisaran a blood bank kadagitri pribado wenno pampubliko nga hospital ditoy probinisya.
Segun ken ni Orcino, babaen iti daytoy ket saan la nga iti opisina da ti mabalin a pangalaan dagiti agkasapulan ti dara.
Maipalagip nga addan naestablaisar a bukod a blood bank ti Laoag City General Hospital ken ti Mariano Marcos Memorial Hospital and Medical Center ti ciudad ti Batac.
