LAOAG CITY – Inpakaammo ti maysa a Private Lawyer a ni Atty. Kidd Castro, Criminal Law Professor ti Northwestern University a karebbengan ni Sen. Bato Dela Rosa iti panagkiddaw a lapdan ti Korte Suprema ni dati a Sen. Antonio Trillanes IV, National Bureau of Investigation, Philippine National Police, Philippine Center on Transnational Crimes ken dagiti respondents nga ipatungpal ti nasao a warrant nga arestaren ken ikabil isuna iti International Criminal Court.
Segun kenkuana, karebbengan ti maysa nga indibidual daytoy a banag ken basar iti nakailanad iti konstitusion ti pagilian.
Inbatadna a ti panagapela ni Sen. Dela Rosa ket paset laeng iti due process kas ti panagkiddawna ti Temporary Restraining Order.
Inlawlawagna a daytoy ti kidkiddawen ti kampo ti senador gapu ta mamati isuda nga awan ti hurisdiksion ti International Criminal Court ditoy pagilian a Pilipinas.
Immuna iti daytoy, partikular nga inpila ti agpanpanday linteg iti babaen ti abugadona a ni Atty. Israelito Torreon ti ‘Very Urgent Manifestation of Supervening Events with Reiterative Prayer’ iti Korte Suprema.
