LAOAG CITY – Inpakaammo ni Mrs. Aleth Claire Hernando-Policarpio, mangidadaulo iti Office of Barangay Affairs iti Provincial Government ti Ilocos Norte nga agtultuloy a makaawawat ti opisinada kadagiti reklamo a pannakabuso dagiti kakailian nga agtrabtrabaho iti balasiw-taaw.
Inbatadna a kaaduan kadigiti maawawatda a reklamo ket dagiti Overseas Filipino Workers nga agtartrabaho iti Middle East.
Inpettengna a kangrunaan kadagiti mapaspasaran a panangabuso dagiti employees manipod kadagiti employers-da ket ti saan a panagsweldo, panakadangran, panakaibalod iti pagtaengan ti amo-da, saan a mapakpakan ken dadduma pay.
Inbtadna nga iti daytoy a tawen ket adda ti naawatda a reklamo a pannakarames ti maysa a senior citizen babaen ti anak iti amo-na.
Mainaig iti daytoy, maladingitanna gapu kadagitoy a mapaspasamak kadagiti Overseas Filipino Workers.
Inrakurakna nga agtultuloy iti panagutigot ti gobierno probinsial ditoy probinsia kadagiti Overseas Filipino Workers nga agtalinaed laeng ditoy probinsia babaen ti panangipaay kadakuada iti pagpuunan wenno pinansial a tulong tapno makarugida ti negosio.
Nupay kasta, inpakaammona no maidasig iti kabuklan a bilang dagiti reklamo a naipadanon iti opisnada idi 2022 nga umabot daytoy iti 1,535 ken bimmaba daytoy idi tawen 2023 nga umabot iti 802.
Namnamaen ni Policarpio nga agtultuloy iti panagbaba ti nadakamat a rekord agingga nga awanen ti makapaspasar iti panangabuso dagiti umili nga agtarbtrabaho iti balasiw-taaw.
Kabayatanna, inpsigurado ni Policarpio nga no adda dagiti makapaspasar ti abuso nga Overseas Filipino Workers ket saan nga agdudua nga ipadanon iti opisinada ket nakasaganada a mangipaay ti tulong kadagiti maseknan.
