LAOAG CITY – Inpakaammo ni Jail Inspector Jayson Mabuti iti Bureau of Jail and Management Penology iti siudad ti Batac a dakkel a makatulong ti panagaramid ken panglako iti bayong kadagiti Persons Deprived of Liberty (PDL).
Segun kenkuana, balligi ti panaglakoda kadagiti bayong babaen iti online selling ken pannakilangen dagiti balod kadagiti kakabagianda.
Mainaig iti daytoy, adu dagiti ag-order kadakuda ken agar-aramid da pay kadagiti custom design a bayong.
Ti presio dagiti bayong ket aggatad ti P150 agingga iti P200 para iti kabassitan ken nakadepende iti disenio, idinto a ti kadakkelan a disenio ket aggatad ti P900 agingga iti P1,000.
Kabayatanna, innayonna a daytoy nga addang ket mangipaay iti kanayonan a kita dagiti Persons Deprived of Liberty a makatulong kadagiti pamiliada.
