LAOAG CITY – Indauluan ni Senate President Francis “Chiz” Escudero ti panaglukat ti 3rd Reading Session iti 19th Congress itay laeng bigat.
Ti 19th Congress ket naiwayat sakbay a nangrugi ti maikatlo nga State of the Nation Address ni President Ferdinand Marcos Jr.
Kalikagom ni Escudero a panagbalinen a linteg dagiti priority measures a mangtignay iti economic woes ditoy pagilian.
Iti panagbitla na, ginutigot na dagiti pada na a Senador nga ilaksid ti aniaman a problema a mangitunda ti division iti Senado ken iti publiko.
Inikkan na pay ti importansya ti panangprioridad iti pagsayaatan ti lehislasion.
Immanamong met ni House Speaker Martin Romualdez iti daytoy, no sadinno a kinuna a masapul ti “exceptional synchronization” iti nagbaetan ti House of Representatives ken Senate leaders iti panangipasa kadagiti kangrunaan a lehislasion.
Innayonna a naaramiden ti House of Representatives nga ipasa dagiti kangrunaan a linteg a mangtaming iti food security, social protections, public health ken dadduma pay.
