LAOAG CITY – Inpasingked ni Barangay Chairman Joseph Bitagon a mamonitor dagiti menor de edad nga agiturturong kadagiti naringgor a motorsiklo iti Sitio Sinamar iti Brgy. 40 Balatong ditoy siudad ti Laoag.
Kuna na nga ipamonitor na iti sector kagawad seknan ti panagmanmaneho dagiti menor de edad iti motorsiklo kalpasan a naamuan daytoy babaen ti Bombo Radyo.
Gapu ta awan ti report a naipadanun iti kapitan, mamati a saan a rumwar dagiti maseknan no adda ti agronronda a tanod.
Innayon ni Bitagon nga awan pay ti naidanun kenkuana a report mainaig ti panagsalungasing iti curfew iti nasao a barangay.
