LAOAG CITY – Mapatta-patta nga umabot iti agarop 14.76 milyon ti agbalin a populasyon ti Pilipinas iti uneg ti 15 a tawen.
Nupay kasta, inbatad ti Commission on Population and Development (CPD) a saan a rumbeng a pakaalarmaan daytoy gapu ta gimminad ti panagado ti populasyon no ikompara kadagiti naglabas a dekada.
Inlawlawag ni Commission on Population and Development Undersecretary Lisa Bersales a gimminad ti panagngato ti populasyon gapu ta basbassit ti annak dagiti Pilipino a babbai.
Inpalagip ni Bersales nga idi “Noong 1970’s, naipagagangay ti innem nga annak ti kada babai, ngem ita a panawen ket makonkontrolen ti panaganak dagiti babbai.
Innayon na a ngumatngato paylaeng ti populasyon ti pagilian ngem saanen a kas ti kaalisto kadagiti naglabas a dekada.
