LAOAG CITY – Kweskwestiunaran ti Samahang Industriya ng Agrikultura (SINAG) ti panagngato ti presio ti galunggong (round scad) pakairamanan dagiti sumagmamano nga ikan iti baet nga umdas paylaeng ti suplay iti daytoy.
Maibasar iti kaudian a datos manipud iti Department of Agriculture (DA) nagdoble ti presio ti galunggong iti Metro Manila no sadinno ngimmato daytoy iti P180 agingga P280 tunggal kilo manipud iti sigud a presio daytoy a P160 agingga P260 tungal kilo idi napalabas a lawas.
Segun kenni Samahang Industriya ng Agrikultura Chairperson Rosendo nasken a ti presio dagitoy ket saan a nangatngato ngem iti P200 wenno P180 tunggal kilo.
Gapu iti daytoy, kinuna ti Bureau of Fisheries and Aquatic Resources (BFAR) a kitaenda daytoy ngem patienda a ti masansan a panagtudo ti rason a naapektaran ti suplay dagiti ikan.
Nupay kasta, inpetteng ni Bureau of Fisheries and Aquatic Resources Chief Information Officer Nazzer Briguera nga awan ti nakangato a closed fishing season isu’t gapuna nga agtultuloy latta ti panagkalap dagiti mangngalap malaksid no saan a nasayaat ti panawen.
Kabayatanna, kinuna ni Department of Agriculture Secretary Francisco Tiu Laurel Jr., kasapulan a kontrolen ti panagkalap tapno mas umad-adu dagiti ikan.
