LAOAG CITY – Inbatad ni Mr. John Rey Salud, federated president ti North Main canal ditoy probinsya a kas maysa a mannalon, ad-adda a marigatan da kadagiti kasapulan iti panagtalon.
Daytoy ket gapu iti agtultuloy a panagngato ti presyo dagiti produkto a petrolyo.
Segun ken ni Salud, posible a marigatan nga agsubli ti 40 a sentimo iti tunggal metro kuadrado a singir iti traktor ken kuliglig gapu iti nangina a presyo ti krudo.
Inbatad na a gapu iti daytoy, kuna na ad-adda pay a marigatan dagiti mannalon nu bilang awan ti pagbaliwan ti presyo dagiti agricultural products nangruna iti irik.
Mainaig iti daytoy, inbatad ni Salud a posible a maipangato iti 60 a sentimo ti agbalin a singir iti tunggal metro kuadrado nu agtultuloy ti panagngato ti presyo ti krudo.
Kabayatanna, kuna na a mangnamnama nga iti baet ti panagngato ti presyo dagiti magatgatang ket maipangato met ti presyo dagiti agricultural products tapno saan nga agpukaw dagitoy.
