LAOAG CITY – Panagimbestigar kadagiti kalaban iti politika ni Presidente Rdorigo Duterte ti pannakabukel ti presidential anti-corruption commission wenno Executive Order 43.
Daytoy ti reaksyon ni Bayan Muna Chairman Atty Neri Colmenares iti eksklusibo a pannakiuman ti Bombo Radyo.
Kuna na a ti panagkita ti presidente iti bukod na a bagi ket agnanayun nga husto ken adda pay dagiti tattao nga husto ti panagkita da.
Nupay kasta, inbatad ni Colmenares nga awan met ti pagdaksan na no daytoy ti kayat da.
Segun kenni Colmenares, ti laeng madi ket ti panagaramat ti presidente ti government resources tapno laeng banatan na dagiti kritiko ken tapno butbutngen na dagiti dadduma nga opisyal ti gobyerno.
Kuna pay ni Colmenares a no ti presidente ti maimbestigar ket agungeten.
Nupay kasta, nasayaat para kenni Colmenares ti kalikagum ti preisdente a maimbestigar dagiti dadduma pay nga opisyal ti gobyerno.
