LAOAG CITY – Inlawlawag ni Police Lt. Col. Joseph Baltazar, ti chief of police ditoy ciudad ti Laoag ti pannakaisyu ti citation ticket iti napan nakipamunpon ditoy ciudad.
Segun ken ni Baltazar, adda ti ordinansa ti probinsya a maipawil ti agpamunpon iti rush hour kangrunaan na iti oras ti alas-siete agingga iti alas-nuebe ti bigat.
Kuna na a nabagaanen dagiti simbaan ken punerarya a saan da nga irana ti agpamunpon kabayatan ti rush hour tapno saan a maapektaran ti panagserrek iti trabaho dagiti mangmangged ditoy ciudad.
Innayon na nga uray dagiti nagduduma a barangay ditoy ciudad ti Laoag ket napakaammoanen mainaig iti nasao nga ordinansa ti probinsya.
