LAOAG CITY – Agtultuloy ti maiyus-uswat a panagpapallot dagiti Pilipino idiay isla ti Hawaii.
Iti report ni Bombo International News Correspondent Manny Pascua idiay Hawaii, inrakurak ti Animal Wellness Foundation a ti panagpapallot ket maivid-video ken maipatpatulod ditoy pagilyan a Pilipinas.
Malaksid iti daytoy, kuna pay ni Pascua a ti nasao a video ti panagpapallot ket maipababuya iti maysa a local TC network ditoy pagilyan.
Ummuna iti daytoy, inbaga ti Animal Wellness Foundation a ti Hawaii ket isu ti paggapgapoan dagiti ado a para-pallot a manok a maipatpatulod kadagit nagduduma nga estado ti Amerika.
Inbatad ni Pascua nga idiay isla ti Hawaii, no pakaseknan ti pallot ket mabigbigbig dagiti Pilipino gapo ta maipagarop a dagitoy ti rumrumwar a nangiyuna wenno nangipauso ti panagpapallot uray daytoy ket iligal gapo ta maisaysayangkat laeng daytoy iti sirok ti kaykayo.
