LAOAG CITY – Inpakaammo ni Bombo International News Correspondent Buddy Bernardino, iti London, United Kingdom, a possible a maysa laeng a media blitz wenno panagpapansin ti inaramid da Prince Harry kenni Meghan Markle.
Kuna na a daytoy ti reaksiyon dagiti tattao iti United Kingdom gapu ta naikkaten ti responsibilidad da kas miembro iti Royal Family.
Inbatad ni Bernardino a saan a siento porsiento kadagiti tattao ket sumupsuporta iti Royal Family gapu ta adda dagiti anomalya.
Segun kenni Bernardino, ado dagiti reklamo kontra iti royal family nangruna dagiti naaw-awat ni Piers Morgan, maysa nga anchor iti ITV network.
Mainaig iti daytoy, kuna na a ti reakiyon pay ket naliday ti Buckingham Palace kalpasan ti panagibulgar da Prince Harry kenni Meghan Markle iti programa ni Oprah Winfrey.
Kuna pay ti palasyo a nagtalinaed ti panagayat na kadagiti agassawa.
Innayon ni Bernardino nga inpeksa dagiti tattao dagiti karirikna da iti nagduduma a social media platform iti panagsarita da Meghan Markle kenni Prince Harry.
