LAOAG CITY – Nangrugin iti panagparehistro dagiti adda taraken na nga aso wenno pusa para iti Pamulinawen Grand Pet Show ken Pet health caravan a maangay iti Aurora Park intono Pebrero 16 ita a tawen.
Daytoy ti inpakaammo ni Dr. Samatha Licodene, ti mangidadaulo ti City Veterinary Office ditoy ciudad ti Laoag.
Segun kenkuana, dagiti adda iti taraken na nga aso a kayat na iti makipartisipar iti nasao a competisyon ket agrehistro da laeng iti online.
Inbatadna a daytoy a programa ket open kadagiti all breed bassit man wenno dakkel nga aso ken pusa.
Inpakaammo na pay a ti registration fee ket 100 a pisos ken manamnama nga agsuot dagiti taraken a dingwen babaen iti tema iti fiesta a “Prevail” a maaramid ti light material ken saan a makadangran kadagiti taraken.
Inlawlawga ni Licodine a ti criteria for judging ket
50 points – Costume Design & Creativity
40 points – Stage Projection
10 points – Audience Impact
Innayon na nga adda ti tallo a Major Awards iti kada kategorya no sadinno a ti 1st Place ket makaawat ti premyo a P10,000.00 + Top Breed Products + Freebies; 2nd Place – P6, 000.00 + Top Breed Products + Freebies ken ti 3rd Place ket P3, 000.00 + Top Breed Products + Freebies, ken adda pay iti special awards ti kada kategorya.
