LAOAG CITY – Simple laeng ti pannakaiyuswat ti sumagmamano nga aktibidad iti selebrasyon iti maika-204 a founding anniversary ti Ilocos Norte.
Segun kenni Mr. Ainree Racquel, Provincial Tourism Officer, intono 5:30 ti malem ket mairubwat ti Kalesa Evening Tour no sadinno ket agpasada dagiti pito a kalesa agingga intono alas-nuebe iti rabii.
Inlawlawag na a masurot met ti fare matrix ditoy ciudad ti Laoag ken dagiti kalesa ket mangrugi da iti sango ti Kapitolyo ken mapan da kadgaiti nagduduma a tourist spot ditoy ciudad.
Inbatad na a babaen iti daytoy ket makita da no mabalin a ma-expand ti nasao a programa.
Mainaig iti daytoy, kunana a nai-reschedule met dagiti sumagmamano nga aktibidad gapo iti agdama a mapaspasaran a pandemya kas iti Tan-ok ni Ilokano Film Festival ken nangrugin dagiti 10 a finalist a nagaramid ken maipabuya ita a bulan.
