LAOAG CITY – Inbatad ni Ms. Roselyn Cacao, mangidadaulo ti administrative office iti DPWH 2nd Engineering District a saan a close contact ti covid-19 patient ti maysa nga empleado ti ahensya a nagpositivo iti saliva rt-pcr test.
Segun ken ni Cacao, addan ti dati a marikrikna a sakit ti empleaod.
Inlawlawagna a gapu ta health concious daytoy ken saan a nasayaat ti marikrikna na ket insumitir na ti bagbagi na iti Red Cross ken dita a dimmalan iti saliva rt-pcr test.
Mainaig iti dyatoy, kuna ni Cacao nga awan ti ideya ti empleado a dumalan iti panagquarantine ken maipagarup nga awan ti inbilin ti red cross kalpasan dimmalan iti nasao a test.
Gapu iti daytoy, inbatad na a simrek ti empleado iti opisina kalpasan a dimmalan iti saliva test ken inasikaso na dagiti dokumento a kasapulan a maileppas.
Nu pay kasta, inpakaamo na a sakbay pay a rimuar ti resulta ti saliva test ti empleado ket addan iti work from home daytoy.
Immunan nga adda ti dimmanon a report iti Bombo Radyo a maipagarup a simrek pay laeng iti trabaho ti empleado ti DPWH 2nd Engineering Disctrict kalpasan a dimmalan iti test ken kalpasan ti dua nga aldaw ket naamoan a positibo daytoy.
Kabayatanna, kuna ni Cacao a 18 ti nadeterminar a contacts ti empleado ken manamnama a dumalan dagitoy iti rt-pcr test.