LAOAG CITY – Inlawlawag ni Barangay Kagawad Fermin Dumayas iti Barangay 6 iti ili ti San Nicolas no apay a napawilan dagiti aglaklako ken partidor a sumrek iti tiendaan.
Segun kenni Dumayas, gapo iti panagpositibo ti maysa a partidor a kabaragayan da ket napawilan dagiti kakadwa daytoy.
Inpetteng na a mandato daytoy ti lokal a gobierno no sadinno a dagiti taga Barangay 6 laeng ti maipagarop a naabisoan a saan a sumrek.
Kunana a maysa pay a rason ket gapo ta naka-lockdown pay laeng ti nasao a barangay.
Ummuna iti daytoy, kunana nga idi Domingo ket napalubusan pay laeng dagitoy ngem idi rimwar ti resulta ti swab test ti partidor no sadinno a positibo ket dagus a napawilan dagitoy iti sumaruno nga aldaw agingga ita a gundaway.
Kabayatanna, naduktalan ti Bombo Radyo nga awan ti mandato ti mayor a mapawilan dagiti partidor ken aglaklako iti Barangay 6 a sumrek iti tiendaan gapo ta maipalubos amin no laketdi adda ti negatibo a swab test resulta dagitoy.
