LAOAG CITY – Ti panagturog ket biag.
Basar iti panagsukisok, ti panagturog ket makakissay ti tiyansa a maaddaan ti sakit iti puso ti 20%.
Ti umdas a compensatory sleep ket nakita nga adda ti pakainaiganna iti nababa a risgo ti heart disease nangruna kadagiti tattao nga awan ti naurnos a panagturogda iti tunggal weekdays.
Maibasar singasing ti American Academy of Sleep Medicine, ti sleep deprivation ket nababbaba iti pito nga oras a turog iti kada rabii.
Naammoan a nasken nga adda ti pito wenno nasursurok pay nga oras a turog ti maysa a tao tapno makissayan ti health risks nga adda ti pakainaiganna iti kurang a turog.
Inbatad ni Dr. Nitun Verma, maysa nga sleep medicine specialist ken spokesperson ti American Academy of Sleep Medicine, ti panagturog ket maysa kadagiti three pillars ti healthy lifestyle pakairamanan ti nasayaat a nutrision ken regular nga ehersisio.
