LAOAG CITY – Nawaya ni Barangay Chairman Gilbert Martillano iti Brgy. 51-A Nangalisan ditoy siudad ti Laoag a mangawat kadagiti agaplikar para iti quary permit.
Daytoy ti reaksiyon na kalpasan a naipadanun ti surat ti maysa a kompanya iti Sangguniang Panlungsod ditoy siudad a mangited ti endorsement iti gobyerno probinsyal tapno mapalubusan nga agquarry ti kompanya iti sakop ti nasao a barangay.
Kuna ni Martillano a ti panagquarry ket mangited ti income ti barangay gapu ta adda ti maawat da nga 40 a porsiento.
Inbatad na a tulong pay daytoy iti panagbalin a naannayas a taray ti danum iti karayan.
Innayon ni Martillano nga awan met pay ti pakaammo ti kompanya tapno agquarry iti barangay da.
