LAOAG CITY – Kinumpirmaran ni Mr. Mel Aguete, iti Washington D.C., USA, tubo iti Brgy. 5 ditoy siudad ti Laoag, nga arig inaldaw nga adda ti maiyus-uswat a panagrally iti biang ti Pro Trump ken Pro Biden iti lugar da.
Nupay kasta, nagtalinaed a natalinaay ti panagrally dagiti tattao.
Segun kenni Aguete, normal laeng dagiti agiyuswat ti rally nangruna iti daytoy a tiempo ti election.
Inbatad na a ti Washington D.C ket maysa a Democrat state.
Kabayatanna, inpakaammo ni Aguete a naiget ti laban iti Pennsylvania, ken maipagarup a ti nabati laengen a botos ket para kenni Democratic candidate Joe Biden.
