LAOAG CITY – Kinumpirmaran ni Vice Mayor Victor Racimo iti ili ti Vintar ti napasamak a panagreggaay ti daga iti kalsada nga agturong iti Surong Valley.
Segun kenni Racimo, ummuna anaiyuswat ti clearing operation iti nasao a paset ti lugar ngem gapo iti panagtudo na idi kalman ket napasamak ti panagregaay.
Nupay kasta, inpasingked ni Racimo a saan met a nakaro ti napasamak a panagregaay ti daga ken nakadallayasat lata dagiti motorista.
Mainaig iti daytoy, kuna ni Racimo a maysa kadagiti rason ti panagregaay ti daga ket ti pannakakuti ti pondasypn iti pannakasemento ti kalsada ngem saan a kas iti napalabas a tawen ti a nakaro daytoy.
Inbatad na pay a plano da nga ada latta ti equipment iti Surong Valley tapno al-alisto ti panagresponde no adda man mapasamak a panagreggaay ti daga.
Gapo iti daytoy, kunana nga intono bigat ket adda ti taripnong da iti Motorpool tapno mapagsasaritaan daytoy a banag.
