LAOAG CITY – Inbatad ni Barangay Kagawad Jay-Z Lagundino iti Sitio Banquero, Barangay Pancian iti ili ti Pagudpud nga agtultuloy ti panagreggaay ti daga manipod iti bakras iti bantay.
Gapu iti daytoy, inpakaammo na nga agtultuloy met ti pannakaiyuswat ti clearing operation iti nadakamat a lugar.
Segun ken ni Lagundino, gapu iti mapaspasamak a panagreggaay ti daga ken maiyus-uswat a clearing operation ket umabot ti dua agingga iti tallo nga oras ti panaguray dagiti motorista sakbay a makadalyasat da iti nasao a lugar. Innayon na nga agtultuloy latta ti panagreggaay ti daga kabayatan a madaldalusan iti baba na.
