LAOAG CITY – Mangnamnama ni Mr. James Ceasar Ventura, maysa kadagiti mangidadaulo iti National Youth Commission (NYC) nga adda a dagus ti dutukan ni Presidente Rodrigo Duterte a mangsukat ken ni NYC chairperson Aiza Seguerra.
Naamoan nga agepekto ti resignation ni Seguerra intono Abril 5 ita a tawen.
Inbatad ni Ventura a no awan ti madutukan a kasukat ni Seguerra kalpasan ti Abril 5 ket masapol a mangdesignar da ti agserbi kas Officer-in-charge ti NYC.
Kabayatanna, inpetteng ni Ventura nga awan ti pannakainaig na ti panangaprubar ti Committee on Suffrage Electoral Reform ti pannakaitantan ti SK ken barangay eleksyon.
Inpasingked ni Ventura a sakbay pay ti hearing ti nasao nga eleksyon ket naibagan ni Seguerra ti panagresign na.
Immuna ti daytoy, adda dagiti alegasyon a saan a nagustwan ni Seguerra ti panangaprubar ti nasao a komite ti pannakaitantan ti eleksyon.
