LAOAG CITY – Inlawlawag ni Brgy. Kagawad Ibol Balintek iti Brgy. Bulbulala iti ili ti Vintar ti maipagarup a panagruruar ti maysa a tanod nu pay naka-isolate daytoy.
Segun ken ni Balintek, pudno a napan intulod iti ospital ti tanod dagiti exposure na a nagpositibo iti covid-19.
Kuna nga agsipod ta awan ti mausar a lugan iti RHU gapu iti pannakailockdown daytoy ket kapilitan a ti tanod ti nangipan iti ospital kadagiti exposure na.
Inbatad na a sakbay a rimuar ti tanod ket naikoordinar iti RHU ken naipalubos daytoy.
Mainaig iti daytoy, inpakaammo ni Balintek a dagus a nagsubli ti tanod a nagawid ken nagderetso iti barangay isolation unit.
