LAOAG CITY – Inbatad ni Prosecution spokesperson ken Lanao del Sur Rep.Zia Alonto Adiong a nairana laeng ti panagsango ni dati a Presidente Rodrgo Duterte iti International Criminal Court (ICC) bayat ti agtultuloy nga impeachment trial ni Vice President Sara Duterte iti Senado.
Kunana nga awan ti plano nga iyakar ti atension ti publiko manipud iti kaso ti bise presidente.
Segun kenkuana, nairanta laeng nga adda ti bukod nga iskedyul ti International Criminal Court (ICC) ken saan a mabali a diktaran no kaano a maiyuswat ti panagdengngeg.
Personal a simmango ni Duterte iti International Criminal Court (ICC) bayat nga agsagsagana ti korte para iti panangusig kenkuana mainaig iti kasona a crimes against humanity nga adda pakainaiganna adagiti alegasion a pannakapapatay iti kampanya kontra ti iligal a droga.
