LAOAG CITY – Inbatad ni Commission on Elections (Comelec) Chairman George Erwin Garcia a kasapulan a maimbestigar dagiti mangisursuro a nagsanud iti responsibilidad da iti Barangay ken Sangguniang Kabataan elections (BSKE).
Sungbat daytoy ni Garcia iti inrakurak ti Teachers’ Dignity Coalition a saan nga umdas ti seguridad ti maysa kadagiti rason ti sumagmamano a mangisursuro kangrunaan na kadagiti lugar a tradisyonal nga adda iti babaen ti kontrol ti Commission on Elections.
Inbatad ni Garcia a respetaren ti poll body ti desisyon dagiti nagsanud a mangisursuro iti kaaldawan ti eleksyon gapu ta saan a mandatory ti trabaho para kadagiti mangisursuro.
Maipalagip nga idi Oktubre 29, inbatad ti Commission on Elections iti press briefing, maysa nga aldaw sakbay ti Barangay ken Sang Kabataang Elections ket adda ti 2,500 a mangisursuro iti Bangsamoro Autonomous Region in Muslim Mindanao, 29 iti Abra, ken 10 iti Bicol Region ti nagsanud nga agserbi iti eleksyon.
Immunan nga inrakurak ni Department of Interior and Local Government Chief Benjamin Abalos Jr. ti suporta na iti plano ti Commission on Elections a kamaten dagiti mangisursuro a saan a nangtungpal iti responsibilidad da nga awan ti maibaga da nga umiso a rason isut gapuna a naitantan ti eleksyon.
