LAOAG CITY – Manamnama ti panagsarita dagiti dwa a partido iti napasamak a desgrasya iti Barangay 14 Bungon iti ciudad ti Batac.
Daytoy ti inpakaammu ni P/Lt. Col Jayson Batuyong hepe ti Philippine National Police iti nasao a ciudad kalpasan ti panagdinnungpar ti maysa a motorsiklo ken maysa a jeep.
Segun ken Batuyong nakainom ti biktima a ni Nark Joseph Lagmay , agtawen ti 28, awanan asawa, karpintero ken residente iti Barangay Dariwdiw iti ciudad ti Batac.
Maipalagip nga agsarsaruno nga agturong iti amianan a paset ti jeep ken motorsiklo idi kellaat a nasapgud ti nakamotorsiklo ti jeep a nangitunda ti pannakaipurwak na.
Insigida a naitaray ni Lagmay iti balay pagagasan ngem nakarwar met laeng daytoy iti mabiit.
