LAOAG CITY – Kinumpirmaran ti Malacañang a maaddaan ti panagsasarita da Pres. Ferdinand Marcos Jr. kaduana da United States President Joe Biden ken Japanese Prime Minister Shigeru Ishiba inton bigat.
Basar iti Department of Foreign Affairs (DFA) a ti trilateral phone call ket karaman iti iskedyul ni Biden kabayatan ti kaaddana idiay Roma.
Manamnama a pagsasaritaan dagiti tallo a lider ti agdama a mapaspasamak iti Trilateral Cooperation ti Japan, Estados Unidos ken Pilipinas.
Ti nasao a trilateral Cooperation ket naisayangkat iti pakasaritaan ti tallo a lider idi Abril 11, 2024 idiay Washington D.C.
Kuna pay ni Department of Foreign Affairs Spokesperson Teresita Daza a manamnama a talantanen ti tallo a lider ti maipanggep iti ekonomia pakairamanan dagiti mapaspasamak iti regional ken global development.
Immuna iti daytoy, kinontra ti China ti trilateral cooperation ti tallo a pagilian ken ginutigotna nga isardeng ti panagbalin a bloc politics.
