LAOAG CITY – Manamnama a marugianen iti daytoy a tawen ti panagsingir iti parking fee a masarakan iti Annex wenno ti Ground Area iti Kapitolio Probinsial ti Ilocos Norte.
Daytoy ket kalpasan nga inaprobaran ti nasao nga ordinansa dagiti agpanpanday linteg ti hunta probinsial.
Mainaig iti daytoy, nailanad iti ordinansa dagiti gatad iti panag-parking iti nasao a lugar no sadino ti gatad iti umuna nga uppat nga oras iti maysa a lugan ket agbayad ti 20 a pisos ngem no lumabes ket adda ti mainayon a 10 a pisos nga overnight idinto a no 24 nga oras daytoy a naka-parking ket agbayad ti 150 a pisos.
Kabayatanna, naammaon nga amin met a Capitol Clientele ket awan ti bayadanda iti panag-parking.
