LAOAG CITY – Igetan ti kapulisan iti probinsiya ti panakatiliw kadagiti lugan nga awanan ti plaka pakairamanan dagiti unauthorized a plaka.
Daytoy ti inpakaamo ni Police Col.Julius Suriben, ti Ilocos Norte Provincial Director.
Inbatad ni Suriben a ti nasao nga addang ket kas panangsurot ti pammilin ni PNP Chief Police General Rodolfo Azurin.
Kuna na a maiyimplimentar daytoy babaen iti panangidaulo ti Higway Patrol ken ti tulong ken dagiti traffic enforcers iti kada LGU.
Inpanamnama met ni Suriben a mangrugi a maiyuswat daytoy nga addang iti sumarsaruno nga aldaw.
