LAOAG CITY – Ibilang ni Sang Panlalawigan member Donald Nicolas, chairman ti Committee on Games and Amusement ditoy probinsya a welcome development iti Cock-fighting Industry ti pannakaipalubusen ti panagoperar da kadagiti lugar nga adda iti babaen ti Modified General Community Quarantine wenno MGCQ.
Inrakurak daytoy ti bokal kalpasan nga ipalubusen ti Inter-Agency Task Force(IATF) ti panagtupada kadagiti MGCQ Areas.
Nupay kasta, kuna ni Nicolas a no bilang malukatanen dagiti galyeraan ditoy probinsya ket masapol a masurot latta dagiti health protocols.
Innayon na a ni met laeng Governor Matthew Marcos-Manotoc ti agdesisyon maipanggep iti daytoy ken adda ti iparuk-at na nga Executive Order (EO).
Kabayatanna, inbaga ni Nicolas a no aglukaten dagiti galyeraan ket dakkel ti maitulong na iti ekonomiya.
