LAOAG CITY – Inbatad ni Police Lt. Col. Adrian Gayuchan, chief of police ti Philippine National Police iti ciudad ti Batac nga agtultuloy pay laeng ti imbestigasyon da iti panagtakaw iti maysa a pasdek negosyo iti merkado publiko iti nasao a ciudad.
Segun kenni Gayuchan, nagturong dagiti kameng ti pulisya iti merkado publiko tapno ireview da ti CCTV footages kadagiti pasdek negosyo.
Inlawlawag na a kadagiti nareview a CCTV footages ket saan pulos a naala ti rupa ti babai a suspek rason a saan da pay a nabigbig no siasinno daytoy.
Ummuna iti daytoy, nagreport iti pulisya ti agtagikua iti pasdek kalpasan ti pannakadlaw na a mapukpukaw ti wallet na a naglaon ti 600 a pisos ken ti card ti biktima.
Makita iti CCTV ti panangkaot ti suspek iti wallet nga adda iti bag ti biktima bayat a nakatalikod daytoy.
Kabayatanna, nagballaag ni Gayuchan kadagiti agar-aramid iti iligal a saan da nga agpangadua a mangipila ti kaso kontra kadagitoy.
