LAOAG CITY – Inpakaammo ni Mr. Ace Rumbaoa a ti panagtalinaed ti interes dagiti kustomerda ket dakkel a pannubok para kenkuana kas maysa a negosiante.
Segun kenkuana, kalikagumna nga apaman a maramanan ken mapadasan dagiti kustomerda dagiti ididiayada a taraon ket agsubli dagitoy.
Inbatadna a masapol a saan nga agbalbaliw ti imas dagiti taraon nga ididiayada tapno biruk-biruken daytoy dagiti sukida.
Kunana a perfect place ti lugarda gapu ta mabalin nga agturong dagiti agpapagayam wenno agkakapamilia iti ipanpannakkelda a negosio.
Innayonna nga iti agdama ket adda pay ti catering services-da kadagiti government agencies.
