LAOAG CITY – Naiget pay laeng ti panangipawil ti City Veterinary Office nga idadaulwan ni Dr. Lyndon Dolores ti panagtaraken ti baboy kadagiti surveillance area ditoy ciudad.
Daytoy ket iti laksid nga awanen ti agpospositibo iti African Swine Fever (ASF) ken ti naudi nga adda namonitor da ket idi Nobyembre 2021.
Inlawlawag na a no agtaraken ti baboy ket posible nga ad-adda nga agtalinaed ti virus kadagiti lugar nga addaan ti ASF.
Inbatad na a daytoy ket gapo ta no adda ti maiserrek a baboy ket posible a maimpektaran daytoy a mangitunda ti panagbayag ti virus a mapukaw.
