LAOAG CITY – Ibilang ni Police Capt. Julius Basallo, hepe ti PNP Bangui a theft incident ti napasamak a panagtatakaw iti maysa nga hotel iti ili ti Bangui.
Kuna na nga awan ti anyaman a nadadael kalpasan a sinerrek dagiti mannakaw ti maysa a kuarto ti Northwind Hotel.
Segun kenni Basallo, saan a nakalock ti ridaw ti natakawan a kuarto idi sinerrek dagiti suspek.
Umabot iti 16 a ribo a pisos, 500 a dolyar ken sumagmamano a nangingina a gadgets dagiti nagnaed iti kuarto.
Inbatad na nga adda ti person of interest ngem saan da pay a maibaga gapu ta agtultuloy ti imbestigasyon.
Innayon ni Basallo nga adda ti CCTV footage ti insidente gapu ta mabuya dagiti suspek ti panangserrek da ti kuarto.
Mabigbig dagiti suspek a gagangay ti pammagbagi da, addaan ti katayag ti maysa a lima a kadapan ken innem a pulgadao agingga iti lima a kadapan ken pito a pulgada idinto a ti maysa pay a suspek ket agtayag iti 5’4” agingga iti 5’5”, nakajacket ken nakabonete da.
