LAOAG CITY – Posible a saan a magun-od ti Pilipinas ti target daytoy a maka-graduate iti upper-middle income economy status inton 2025, basar iti maysa a senior economist iti World Bank.
Segun ken ni World Bank senior economist for the Philippines Ralph Van Doorn, manamnama a ti Pilipinas iti agdama a growth rates ket lumabes iti threshold kadagiti sumagmamano a tawen.
Nupay kasta, ti gobierno ket natibker iti target a ti upper-middle income status ken mabalin a magun-od inton 2025 a maibasar iti target a panagdur-as ti ekonomia a 6% agingga 7%.
Nagtalinaed ti Pilipinas kas lower-middle economy iti babaen ti baro a klasipikasion ti World Bank gapu ta ti gross national income (GNI) per capita ti pagilian iti $3,950 idi 2022 ket natnag iti bracket para iti lower-middle income economies a $1,136 – $4,465 a nagngatoan manipod iti $1,086 – $4,255, maysa a tawenen ti napalabas.
Iti agdama, ti Pilipinas ket karaman iti lower-middle income bracket ti Vietnam ($4,010 GNI per capita); Laos ($2,360); Cambodia ($1,700); ken Myanmar ($1,210).
Simmaruno dagiti adda iti upper-middle income kas ti Malaysia ($11,780); Thailand ($7,230); ken Indonesia ($4,580) a ngimmato ita a tawen manipod iti maysa a lower middle income status.
Kabayatanna, ti Singapore ($67,200) ken Brunei ($31,410) ket adda iti high income bracket.
